Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Erec

8785 daz ich niht hân misseseit.
        ob irz noch geloubet,
        sehet, daz sint diu houbet:
        diu hât der ritter abe geslagen.
        ouch wil ich iu mêre sagen:
8790 der stecke der noch lære stât,
        der ist der iuwer gebiten hât,
        dâ sol iuwer houbet ûfe stân.
        würdet ir aber des erlân
        oder dehein ander man
8795 der disem ritter gesigete an,
        daz doch niht geschehen mac,
        ez sûmet sich sô manegen tac,
        der solde blâsen diz horn,
        dar zuo ist ez erkorn,
8800 drîstunt vil lûte,
        dâ mite er daz dûte
        daz er gesiget hæte.
        des êre würde stæte,
        unde würde ouch erkant
8805 über elliu disiu lant
[ zurück ]